علوم النصب وأحتيال!!!!!!!

وكان الإجتماع علي درجه عاليه من الأهميه

فقام سيادة العميد وقال بلهجه قويه:

"لازم يا دكاتره نوضع حد للمهزله اللي بتحصل

احنا ترتبنا بين الجامعات في النازل والكليات التانيه بتضرب بينا المثل في ضعف

مستوي الطلاب عندنا"

ودارت مناقشه ساخنه حول هذا الموضوع

فقام دكتور ميم حوت الملازم وقال وفي لهجته صدق وحرص علي مصلحة الطلبه:

"يا سيادة العميد احنا لازم نمنع الأول ظاهرة الدروس الخصوصيه اللي بدأت تظهر

لازم كل واحد فينا يشوف شغله صح والدكاتره تقرص علي الطلبه شويه

وممنوع حاجه اسمها شيت فيه الأمتحان"

فقام دكتور سين وحش الكورسات وقال:

"ياريت كمان يكون في مراقبه صارمه للعيال دول وعمل أمتحان كل محضرتين تلاته

ونكثف الكورس ونزود كورسات تانيه زي ما كل الكليات المحترمه مبتعمل"

فساد الصمت للحظات

فقام دكتور شين سفاح الشيتات وقال بحماس مؤيدا الفكره:

"انا بأيد رأيك يا دكتور لازم نزود الكورسات لأن االطالب مبيطلعش فاهم بس

بيحفض وخلاص وعشان كده لازم ندعمه

بكورسات جديده عشان الصوره تتضح بالنسباله

انا بأيد رأيك يا دكتور

وتت الموافقه علي هذا الإقتراح بإجماع الأصوات

وانتقلوا بالحديث حول مواضيع اخري........................

وانتهي الإجتماع

لكن كان هناك اجتماع اخر بين الأساتذه والدكاتره في مكتب وكيل الكليه لشئون الطلاب

(لكن العميد للحق لم يحضر هذا الإجتماع وبعض الأساتذه والدكاتره)

وقام حضرة وكيل الكليه وقال:

"ايه اللي انتوا عملتوه ده كورسات جديده ايه ووجع دماغ ايه

احنا والحمد لله يادوب عارفين الكورسات اللي عندنا عيزينا نذاكر تاني

بعد مشاب ودوه الكتاب

وبعدين هنجيب وقت منين منتوا عرفين يا دكتره كل واحد فينا له مصلحه بره برده

انا مش عارف انتوا وافقتوا علي الإقتراح ده ازاي"

فقال دكتور سين وحش الكورسات:

"يا دكتور هدي أعصابك وأسمعني

الكورسات اللي نازله ديه لها كتب والكتاب بالشيئ الفلاني

بعني رزق وجايلنا نقول له لأ دا حته ميرضيش ربنا"

فقاطعه الدكتور شين سفاح الشيتات موجها حديثه لسيادة وكيل الكليه:

"واحنا يا دكتور علي قد حالنا

وحضرتك عارف الكليه الفقرانه ديه أكتر مننا

دا الدكتور مننا لمه بيقابل دكتور في تجاره بيبقي في نص هدومه بيخبي وشه منه من الكسوف

(ظهر التأثر علي وجه حضرة وكيل الكليه ولاحظه الجميع)

فتابع دكتور شين بحماس أكثر :

"والحكايه ديه هتخلي مستوانا أحسن من كده

الكتاب ب50 والشيت ب25 وهنخغض للطلبه اللي ظروفهم وحشه

وبعدين الكورسات ديه هنذاكرها علي مهلنا وسنه ورا سنه هنكون حفضناها صم

ونعرف نفيد الطلبه اللي هيجوا بعد سنتين تلاته ما هوه التطور مبيجيش مره واحده"

وقام دكتور لمألف(لأ) وهو احد أساتذه الكليه الكبار:

" يا ريت نحضر الكورسات ديه بسرعه شويه

عشان نلحق ننذلها في الترم التاني لأننا مش هنلحق ننزلها الترم ده""

كان السيد وكيل الكليه صامتا طول هذا الوقت لا يقاتع احد

ثم خرج عن صمته وقال :

"طب وموضوع الشيتات ديه

أنتوا عارفين الواحد لمه بيتعذر مبيلاقيش غيرها تسنده"

فقال دكتور سين وحش الكورسات في هدوء:

"يا دكتور احنا هنزل شيت فيه أسئله شامله الكتاب كله

واللي يشتري الكتاب والشيت ينجح واللي ميشتريش هو حر وذنبه علي جنبه"

ساد الصمت بضع ثواني

ثم وقف حضرة وكيل الكليه وقال بلهجه اشبه بلهجة عزت العلايلي في فيلم

الطريق الي ايلات:

"علي بركة الله"

ههههههههههههههههههههه
جامده موت والله
وبالتوفيق ان شاء الله

ربنا يخليك يا باشا
وإن شاء الله خير

لا بجد ايه الحلاوة دى ؟
فعلا والله شوية نصابين
بس نصيبنا

سلامووووووووووووووز

ليه كده بس
د أنا من عشاااااااااااااااااق علوم واللي بيتعلموووووووووووووه

خالد باشا
منووووووووور
ودا بعض ما عندكم يا باشا