ومع بونبوناية المنتدى مع....................

النهاردة كان اخر يوم ليا ع الكرسى
فى البداية احب اشكر كل الاعضاء اللى بجد شرفونى باسالتهم
وبعد ما اسبوعى خلص

جه وقت اختيار عضو جديد

الحقيقة ان ضيفة الاسبوع دة هى بونبوناية المنتدى

النسمة الرقيقة
بتطل علينا من وقت لاخر

بنوتة رقيقة وفعلا زى النسمة

تحس بيها وانت بتقرا اى موضوع ليها او حتى لو ردت ع اى موضوع بتنوره
عايزين نتعرف عليها ونعرف عنها ومنها حاجات كتييييييييير

مع ضيفتى وضيفتكم ع الكرسى

مع الدكتورة

مؤا

مؤا


مؤا


يالا عايزين اجمد ترحيب بيهاااااااا

اولا شكرا يا كوكي علي المقدمه الحلوه دي
ثانيا انا والله مستهلهاش لاني مكنتش بتدخل كتير بس بجد غصب عني وكتير منكو عارفين
ثالثا براحه بقي عليا فالاسئله عشان احنا فرمضان وانا غلبااااااااااااااااااااااااااااااااااااااااااااااااااانه
المهم مرسي ليكي يا كوكي وكل سنه وانتي وكل المطرقعين بصحه وخير وسعاده

كده يالوبي تعملي كده فمؤتك حرام عليكي
دنا غلباااااااااااااااااااااااااااااانه قوي
ومع كلا يا ستي مش هزعلك وهرد علي الاسئله بتعاتك


1-بطاقتك الشخصيه فيها ايه؟
الاسم :اسماء كمال
السن :ماشيه فالعشرين
وانا من محافظه حلواااااااان وبلا فخر ودي طبعا كلكو بتحبوهاااااااااااااااا

2-احساس حسيتيه وندمت عليه سواء لشخص او موقف ؟؟
احساس اني اظلم حد بالتفكير فيه غلط ده احساس وحش جدا وبندم عليه بس لما بعرف اني غلط بستغفر ربنا كتير وبصلح الغلط ده

3-حاجه اثرت فيكى وفرقت معاكى فى حياتك؟
معرفتي بروكه صحبتي بجد فرق معايا كتير اني اعرفها فثانوي وندخل مع بعض نفس الكليه كمان

4-حلم مستحيل تحقيقه؟
لاء انا الحمد لله قنوعه وبحلم علي قدي

5-عمرك اذيتى حد قبل كده؟
لااااااااا ويارب يارب ماظلم حد ولا ائزي حد ابدا في يوم من الايام

6-لو تحبى تبدلى شخصيتك بشخصيه موجوده على المنتدى؟ تختارى مين؟وليه؟
بصي في شخصيات كتير هنا حلوه قوي وفي فكل واحد هنا الكريزمه الخاصه بيه
وانا بيعجبني هنا قوي الكريزمه دي بس متخيلتش انها تبقي موجوده فيا لان انا كده مرتاحه مع نفسي فبصراحه مبدلتيش شخصيتي قبل كده

7-المنتدى ده بيمثلك ايه؟ وهل فيه حاجه ضايقتك فيه لحد دلوقت ؟جاوبى بصراحه؟المنتدي ده جاااااااااامد جدا ومتتصوريش انا فرحانه قد ايه اني بدخل وبصراحه المطرقع الكبير ماشاء الله عليه بجد ربنا يباركله قايم بالواجب
وبصراحه مفيش اي حاجه بتضايقني غير الزعل يعني يبقي في عضوين زعلانين من بعض ومخنئين من بعض دي بس الي بضياقني لان احنا هنا حروب واحد لازم نحب بعض ونعدي لبعض

8-ايه رايك فى الدكاترة دول:-
1-مدحت عمار
ماده علميه ممتازه وتوصيل للمعلومه ممتاز رغم ان في حاجات بتقع مني وفالنتيجه ممتاااااااااااز

2-وائل
صباح الروووووووووقان ده دكتور زي الفل بس بردو عنده ماده علميه وتوصيل ممتااااز والنتيجه بردو ممممتازه

3-سلوى الحناوى
دي ماما سلوي والله حنينه قوي وزي الفل بس بصراحه مكنتش بفهم اي حاجه وكنت بننننام

4-فاطمه موسى
دكتوره ميه ميه ودمغاها ماشاء الله عليها بجد رائعه

5-رزق
زي الفل بردو وعندو ماده علميه وتوصيل ممتاز وكفايه الي حصلو من تحت راسنا

6- سعاااااد
والله انا كنت بفهم منها بس كان في حاجه بيني وبنها بردو

7-اشرف درويش
ده بقي الحته الشمال ده دكتور ميه ميه ودماغه عليا وهو مثلي الاعلي

8-عادل التهامى9-الزينى
والله عادل راجل طيب واخرته كانت حلوه
الزيني ده كان حلو فاولي معرفش ايه الي قلبو فتانيه كده بس هو بصراحه ممتاز

10- امين فهيم
مبعرفش يوصل معلومه بس في ماده علميه

11- رجبيه
ست عشره علي عشره

12-سعيد طنطاوى
زي د رجبيه

13-طارق حماد
يااااااااااساتر يارب اللهم احفظنا

14- احمد رمضان
زي امين

9-مقوله ماشيه عليها فى حياتك؟
هي ايه قرائنيه
بسم الله الرحمن الرحيم "ومن يتقي الله يجعل له مخرجا ويرزقه من حيث لا يحتسب "وكمان "ان الله لا يضيع اجر من احسن عملا"صدق الله العظيم

10-مقوله مش بتومينى بيها؟
مش عارفه

11-ايه رايك فى الاعضاء دول:-

*كريزى بنوته:بصراحه بتتعب وبجد هي شخصيه جميله جدا ونفسي اعرفها من قريب واتعامل معاها
*لؤلؤة وشهرزاد:هما الاتنين بحس انهم من الناس الرقيقه قوي وبردو نفسي بجد اشوفهم واتعامل معاهم
*
*وحش:ده من شعره وكلامه بحس انه اتظلم لما سموه وحش بجد هو شخصيه نادره قوي ورقيقه قوي
*سمسمه:دي زي العسل والسكر وهنكلها قريب دي من غيرها ميبقاش في منتدي هي وكريزي كمان
*خالد فامبير:ااااااه خالد
ده بقي ساعات ببقي متفقه معاه وساعات ببقي عايزه معرفوش تاني هههههه معلش يا خالد بس هو انسان غريب فالتفكير بس عادي زينا
*فلاى بيرد:بصراحه لسه معرفتهاش
*دارك مان:اسمه مخوفني وحسه انه غامض بس مواضيعو بجد بتعجبني وبتشدني
*احمد:مطرقع زينا وشخصيه حلوه
*لوبى:ولا اعرفها بعد انهارده هههههههههه بس بجد لوبي دي حبيبتي وبقت جزء خلاص من حياتي وليها دور كمان
*كوكى :بسكوته رقيقه بحبهااااا موت وبقت عضوه مميزه


12- اختارى سته اعضاء وامنحيهم القابا؟لاء مش عارفه

13-قولى نصيحه لاربع اعضاء؟وقولى ليه هاتقوليها ليهم سواء بالسلب او الايجاب؟؟
لوبي: بس عايزه اقولها تبطل الحساسيه الي عندها ولازم تعدي المواقف عشان متتعبش واقولها كمان امشي علي الرجيم عشان تبقي رشيقه زي هههههه
سمسمه :عايزه اقولها ربنا معاكي وترجعي بالسلامه ومهما شوفتي خليك ديما مع ربنا وتوكلي عليه
كريزي :بقولها استمري وبنصحك مهما شوفتي تقصير من الاعضاء استمري انتي وكملي مشوارك
مؤه :بقولها بلاش كسل وارجعي اكتبي مواضيع تاني وخليكي نشيطه شويه

14-اهدافك فى الحياه ايه؟
اولا رضا ربنا سبحانه وتعالي ورضا اهلي وحب صحابي واخلاصهم ليا
وان اتخرج واشتغل في مجالي واحقق زاتي وابقي صالحه لنفسي وللمجتمع

15-اكتر اسم بنت بتحبيه ؟واكتر اسم ولد بتحبيه؟
ولد:محمد علشان الرسول عليه الصلاه والسلام
بنت:اسراء

16-موءا ست بيت شاطرة ولا لا؟ ولوا اه ايه اكتر اكله بتعرفى تعمليها ؟
يعني بحاول بس الحمد لله يجي مني انت عارفه بقي واكتر اكله هي المحشي

17-اكتر عضو ضايقك فى المنتدى؟
ما فيش

18-اكتر عضو بتنتظرى مواضيعه؟
سيلفر وسمسمه وكريزي ولوبي حبيبتي

19-اكتر حاجه فرحتك فى المنتدى؟
التغير الجميل الي حصل فيه

20-اكتر موضوع عجبك ؟واكتر موضوع مش عجبك؟ وبصراحه؟
موضوع كان كاتبه خالد من قريب بس جيت ارد النت فصل عندي
مش فاكره بس بجد كل المواضيع هادفه

مرسي يا لوبي علي السؤالين الصغنتين
ومش عايزه اشوفك تاني
قصدي نورتيني ههههههههههههههههههه

لاااااااااااااااااااا يالوبي كفايه
خدي مني الورده دي وشمي فيها وابعدي عني ههههههههههه
امال لو مكناش دفعه واحده كنتي عملتي ايه

اهلا بالعضوه المتميزه ف موضوعاتها وارائها
اهلا بيك يا دارك وكل سنه وانت طيب
كام سؤال كده ويا رب متزهقى منى
لاء ولا يهمك قدها وقدود



من انتى ؟
انا واعوذ بالله من انا
اسمي اسماء كمال ورايحه انشاء الله تالته علوم قسم رياضه وحاسب وفخوره اني فعلوم وبحبها قوي

صــفى نفســـك بكلمتيـــن فقـــط..!كلمتين:الصراحه والحزر


مــاهــو الشــئ الذي ندمــتى علــي عمـلــــه؟!؟
لاء معملتش لسه حاجه اندم عليها غير مثلا اني اتعرفت علي ناس كتير فوقت قليل وده غلط عندي



كلمـــة تمنيـــــتى ان تسـتطيـــع سحـبهــــا؟!؟
مفيش لاني صريحه قوي والي بقولو هو الي بحسو يعني بيبقي حقيقه

آخـر شخـــص تتـــذكــــريه قبـــل أن تنـــــامى؟!؟
بص انا قبل ما انام ليا طقوس اولا بصلي لركعتين واطلع علي السرير وافكر فكل الي عملتو فاليوم وكل الي قبلتهم وكلمتهم ولازم افكر فروكه صحبتي وبعديهابقول ازكار النوم وبسبح وناااااااام


جــريمــة تتمنـــي لـــو تستطيـــعى ارتكابهــــا؟!؟
اني اقتل الخوف واقتل الظلم واقتل النفس الاماره بالسوء


حمـامة زاجـــل حاملـــة رســالة لـك,,,من من تتمنـى ان تكــون؟!؟
من حبيبي بس انا لسه محبتش حد بجد


-شخـــص لطــالما حـــلمـــتى بــــه؟!؟
لو الاحلام الي وانا نايمه فانا بحلم احلام كتير قوي وبناس كتير
لو الاحلام الي هي تمني فانا بحلم بزوج وحبيب وصديق يكون مخلص معايا ويراعي ربنا فيا ويعملني علي اني بنت ناس ويحبني بجد واهم حاجه يكون بيفهمني صح


دمـعـــه انـذرفــــت رغـمــاً عنـــك؟!؟
لاء انا دموعي قريبه قوي وعلطول منذرفه دنا بعيط من كتر الضحك


مـوقـــف صــدمــك ولــن تنســــاه؟!؟
ااااااااااااه معلش مش عايزه اجاوب


شـخــص تتمنــي الإنتقــام منـــه؟!؟
هما شخصين وربنا يسامحهم ويغفر له ذنوبهم بس معلش بردو مش هقدر اجاوب


شــئ او عمــل لا تستطيــع مســامحته؟!؟
هي الخيانه والظلم بس انا ممكن اسامح لو متكررتيش لان ربنا بيسامح


وجدت اجمل باقة ورد في الدنيا لمن تختار اهدائها؟
لاي حد حبني بجد واخلص فحبو ليا واكيد الشخص ده هو امي وابويا لانهم هم احن اتنين عليا فالدنيا


حلم لا تستطيـــع تحقيقه؟!؟
لاء مفيش اناقولت للوبي انا قنوعه وبحلم علي قدي


-كلمة تود سماعها كل يوم؟!

كلمه جزاكي الله خير واي حد بيدعيلي
مرسي يا دارك ليك ونورتني والله واسئلتك بجد حلوه ومتزعلش مني لاني مجوبتلكش علي السؤالين

[color=black]
اولا منوره الكرسي يا مؤا =black]ده نورك يا عمر وانت والله شرفتنا فالمنتدي وربنا يعينك بقي







ثانيا طبعا بعد اسئلت لوبي ودارك الله يكون في عونك
ااااااااااااه شفت عملو فيا ايه
انا بس اشوف لوبي قدامي وانااااااااااااا مش هعمل حاجه اكيد






انا بقي مش هطول عليكي خاااااالص
اللله يخليك كلك زوق وكفاح






1_ايه رايك في مؤا يعني الشئ اللي بتحبيه فيها والشئ اللي بتكره فيها؟
الي بحبه:الصراحه وحبي للاطفال وبحب الطيبه الي بحزر مش اني اكون طيبه بهبل والناس تضحك عليا
الي بكرهو :كتيييييير منها العند والكرامه بس في اوقات بتنازل عن كرامتي عشان مديش حاجه اكبر من حجمها وبكره فيا العقل لانو بحس انو بيجي علي حساب القلب وانا بحاول اعمل اتزان وربنا يعني







2_لو قالوليك تبقي عميده كليه علوم ممكن تعملي ايه !!!؟
هرفض لانها مسؤليه كبيره قوي وانا مش عارفه سعتها هبقي قدها ولا لاء





3_ايه اكتر حاجه ممكن متسمحيش اللي قدامك عليها ؟
هي الخيانه والظلم
بس انا ممكن اسامح مره او مرتين لكن بعد كده مش هقدر لان احنا بشر وكلنا بنغلط وبنتحاسب وربنا بيسامح






بس كده ومنوره الكرسي يا جميل
الله يخليك دنت بجد زي الفل ونورتني وريحتني واسئلتك كانت جميله

مؤااااااااا
ازيك يا جميل عاملة ايه ع الكرسى


اكيد بتدعيلى

اوعى تكونى بتدعى عليا

ازعل منك

انا شايفة ان الاعضاء عاملين معاكى الواجب وزيادة وانا مش هطول عليكى خاااااالص شفتى انا طيبة ازااااى

هما سؤالين ع الماشى كدة

1
مؤا لما بتقعد مع نفسها بتقولها ايه؟
2
ما هى مواصفات شريك حياتك؟وايه اكتر حاجة ممكن تشدك فى الشخص اللى قدامك ؟
3
ممكن تقوليلنا مين اكتر 4 اصدقاء قريبين منك اوووووى ؟ وبتحسى بايه لما بتكونى معاهم؟
4
ايه اكتر حاجة بتنرفزك؟
5
لو اتحطيطى فى موقف ومعرفتيش تتصرفى هتعملى ايه؟
1_تتسحبى بهدوء
2_ تحاولى تعملى اى حاجة عشان شكلك قدام الناس؟
3_تتكلمى فى اى موضوع تانى؟


بس كدة يا جميل ويا رب مكنش خنقتك باسالتى
واوعى تزعلى ع الجميل اللى عملتوه معاكى وحطيطتك ع الكرسى

فى رعاية الله

ازيك يا جميل عاملة ايه ع الكرسى
تمام الحمد لله كرسي مريح جدااااااا

اكيد بتدعيلى
يووووووووووووو دنا بقي وجعني من الدعا

اوعى تكونى بتدعى عليا
لااااااااااااااااا ميصحش

ازعل منك
اتفلقي قصدي مقدرش علي زعلك طبعا يا كوكي

انا شايفة ان الاعضاء عاملين معاكى الواجب وزيادة وانا مش هطول عليكى خاااااالص شفتى انا طيبة ازااااى
طيبه قوي ربنا يخليكي

هما سؤالين ع الماشى كدة
اهو انا مبخفش غير من السؤالين دول

1
مؤا لما بتقعد مع نفسها بتقولها ايه؟
بقول لنفسي انا ايه الي عملتو امبارح وايه الي عملتو انهارده وايه االي هعملو بكره
وبحاسب نفسي اول باول عشان ارتاح نفسيا ولو غلط فحاجه بحاول مكررهاش
2
ما هى مواصفات شريك حياتك؟وايه اكتر حاجة ممكن تشدك فى الشخص اللى قدامك ؟
بصي اهم حاجه يكون بيصلي وعارف ربنا ويعملني زي الدين ما بيقول ويعملني علي اني بنت ناس
ويفهمني صح ويبقي واضح وصريح معايا في كل حاجه واهم حاجه يكون مش بيشرب سجاير وانا سعتها هبقي زي الخاتم فصباعه وزي مايقولي هعملو وهطيعو واسمع كلامه فالحلال طبعا
اكتر حاجه تشدني فالشخص رجولته انه يكون راجل كده ويوعتمد عليه ده فالشباب
فالبنات بقي اكتر حاجه تشدني للبنت عقلها واحترمها لنفسها
3
ممكن تقوليلنا مين اكتر 4 اصدقاء قريبين منك اوووووى ؟ وبتحسى بايه لما بتكونى معاهم؟
روكه وروكه وروكه وروكه ههههه لاء بصي انا ليا اصحاب كتير جداااا فالكليه وبره الكليه والمسجد وولاد صحاب بابا واصحاب ماما واقرايبنا يعني ليا فكل مكان صحاب بس اكتر ناس الي بشوفهم علطول والي ديما معايا فمشكلي وفحياتي هم روكه وهي اسمها اسراء ونيره ومي حسني لو تعرفيهم دول هم الي علطول معايا واضفي اليهم بقي تلاته دول من اجدع ناس عرفتهم بردو هم لبني واميره ومي مصطفي لو تعرفيهم
وبحس معاهم اني قاعده مع اخواتي وديما بقلوهم انا عايزه منكو فالبيت عندي بجد احلي وقت بقديه هو الوقت الي مع صحابي

4
ايه اكتر حاجة بتنرفزك؟
هههههههه الغباااااااااااء والاستفزاز واني اقعد اعيد فكلامي كتير والي قدامي مش فهمني
بس تصدقي ممكن يكون العيب فيا هههههههه

5
لو اتحطيطى فى موقف ومعرفتيش تتصرفى هتعملى ايه

1_تتسحبى بهدوء


2_ تحاولى تعملى اى حاجة عشان شكلك قدام الناس؟
3_تتكلمى فى اى موضوع تانى؟
هو انا ممكن اعمل التلاته يعني علي حسب الموقف نفسه هعمل الحاجه المناسبه ليه
يعني الموقف الي بيفرض نفسه





بس كدة يا جميل ويا رب مكنش خنقتك باسالت
اه خنقتيني هههههههه
لا يا جميل نورتيني
واوعى تزعلى ع الجميل اللى عملتوه معاكى وحطيطتك ع الكرسى
كلو بحسابو يا كوكي

فى رعاية الله

انا اسفه جدااااااااااااا يا مطرقعين اني كسرت قواعد اللعبه ومقعدتش حد مكاني من بدريييييييييي
بس بصراحه مش عارفه اقعد مين بعدي علي الكرسي
يا ريت تساعدوني في اختيار حد بعدي

ممكن تختارينى