اضحكي يا دنيا شويه
اضحكي ولو ثانيه
قولولها يا بشر
قولولها اني تعبت
تعبت من قسوتها وقلبها الحجر
قدتلك صوابعي العشره شمع
وفتحتلك قلبي وقعدتي
وجوه عيوني واستربعتي
ويا ريت عااااجب!!!
طيب اعمل ايه واراضيكي ازاي؟؟؟؟
طيب اعمل محترم وابن ناس
مش عاااجب!!!
اعمل عبيط ولا كأني فاهم
مش عاااجب!!!
ده أنا حتي لو بقييت أراجوز
ومشيت علي ايديه الاتنين
ولاّ حتي بقيت فيها شاعر
وكتبتلك قصايد
برده مش عاجب!!!
أصل العيب مش عليكي
العيب علي اللي خلاكي تتحكمي فيه
وبقه لعبه في ايديكي
العيب علي اللي بقه مذلولك وهان عليكي
يستاااهل!!!
أصله ما يعرفش انك
مفروشه بالحرير
وفي الحقيقه ده شوك بيجرح فيه
تحبي اللي يتذللك عشان شهوه
ولاّيمكن عشان جاه أو منصب
ولاّيمكن عشان مال أو زوجه
فاكر انها نهاية العالم
يا بني خدها مني نصيحه
حكّم عقلك وضميرك
الدنيا مهما عملتلها مش هتضحك
ولو ضحكت تبقي بتضحك عليك
اضحك عليها انت وخدها علي قد عقلها
تقولك يمين قولها حاضر وروح شمال
وخليها هي الأراجوز وانت الاستاذ
لا هينوبك منها مال ولا جاه
ولا حتي انسان في يوم حبك
ده اللي بيحصانا قدر ومكتوب
لا الدنيا لها دخل ولا حتي الزمن
سلاااااام يا دنيا
دمتم بود
موضوع: اضحكي يا دنياااااا شويه 
الأحد فبراير 28, 2010 10:39 pm
