ادخل ....واتناقش

اذيكم يا احلي مطرقعين؟ وكل عام وأنتم بخير

النهارده أول أيام رمضان ...أعاده الله علي الأمه الاسلاميه باليمن والبركات

بناء علي الفكره اللي طرحتها بان كل فتره نقترح موضوع ونتناقش فيه بين مؤيد ومعارض

وممكن كمان لوفيه حلول نطرحها


بما أننا خلاص دخلنا ف رمضان وروحانياته فأنا عايزه أسألكم سؤال

ياتري فعلا احنا فرحانين برمضان وكنا مشتاقين لاستقباله وحاسين بروحنياته؟؟؟

ولا المسأله عندنا انه شهر كريم وبنحاول نجتهد فيه عشان ننال الجزاء بس واننا مش شرط ان احنا نكون حاسين بالروحانيات دي؟؟؟

وياتري رمضان قاصر بس ان احنا نصوم عن الاكل والشرب وصيام الجوارح راح فين؟؟

وليه لسه فيه ناس لحد الآن ما بتصمش رمضان؟؟

زمان لما كان الواحد صغير كان بيبقي فرحان أوي بالفانوس والزينه وكان بيحس برمضان أكتر من دلوقتي....ليه الواحد مش حاسس بالفرحه دي اللي كان بيحسها زمان؟؟؟

يارب الاقي مشاركه واجابات علي الأسئله

شهر رمضان بيجى راحة لللانسان من كل حاجة وبيتقرب فيه من ربنا جدااااااا وكمان فرصة كويسة جدا عشان يقدر كل انسان يحكم ع نفسه ويحاول يستعيد كل الصلات بينه وبين ربنا سبحانه وتعالى وكمان هو بيعتبر منحة من ربنا لعباده لازم كل واحد يحافظ عليها ويستغلها كويس اوى ويحاول انه ميضيعهاش لانها فرصة مش بتيجى غير كل سنة ويا عالم مين يعيش للسنة اللى الجاية واكيد لازم نكون فرحانيين بالشهر العظيم دة انا بحس فيه بكل الوان ونفحات الايمان وطبعا رمضان مش قاصر ع صيام الاكل والشرب بس دة كمان صيام عن كل ما هو حرام وتهذيب للنفس البشرية من كل شئ اما الناس اللى لسة مش بتصوم رمضان اكيد مش يدركوا عظمة هذا الشهر وفضله واهميته

mai كتب:

شهر رمضان بيجى راحة لللانسان من كل حاجة وبيتقرب فيه من ربنا جدااااااا وكمان فرصة كويسة جدا عشان يقدر كل انسان يحكم ع نفسه ويحاول يستعيد كل الصلات بينه وبين ربنا سبحانه وتعالى وكمان هو بيعتبر منحة من ربنا لعباده لازم كل واحد يحافظ عليها ويستغلها كويس اوى ويحاول انه ميضيعهاش لانها فرصة مش بتيجى غير كل سنة ويا عالم مين يعيش للسنة اللى الجاية واكيد لازم نكون فرحانيين بالشهر العظيم دة انا بحس فيه بكل الوان ونفحات الايمان وطبعا رمضان مش قاصر ع صيام الاكل والشرب بس دة كمان صيام عن كل ما هو حرام وتهذيب للنفس البشرية من كل شئ اما الناس اللى لسة مش بتصوم رمضان اكيد مش يدركوا عظمة هذا الشهر وفضله واهميته

أكيد كلامك مظبوط يا مي وشكرا علي ردك واهتمامك

بس انتي ايه رأيك نخلي الناس اللي ما بتصمش دي تصوم ازاي؟

او زي ما انتي قولتي ازاي نخليها تدرك عظمة الشهر ده وفضله؟؟

انت أثرت نقطه مهمه أوي

ان الواحد بدام صايم المفروض انه يتحلي بالصبر ويحاول يكبح غضبه

ويتحلي أكتر بالهدوء والحلم ....المفروض ان الصيام تهذيب للنفس

بس للآسف بيحصل العكس فتسمع واحد يقولك ايه : أنا متضايق وروحي ف مناخيري

محدش يكلمني أنا صاااااااااااااااايم!!!!! ويعلق انه متضايق ومش عايز يكلم حد عشان هو صايم

ده المفروض عشان انا صايم يبقي لازم أتحكم ف نفسي وأتريث ف تصرفاتي وأفعالي.

شكراااااا للمتابعه ومشكور ردك يا شقي

السلام عليكم

اولا انا بحيكي علي الموضوع الهام ده وعايز اعلق علي نقطه

أحنا مش بنحس برمضان ليه

بأعتقد عشان قبل رمضان كان عدد قليل جدا مننا هو اللي بيحافظ علي الصلاه في موعيدها وبيحاول يتقرب من ربنا
والنوع ده هو اللي بيعطي رمضان قدره أكتر من غيره بيحس بلذة العباده في الشهر ده وبيكون كمان مستعدله كويس

انما المعظم بيكون عكس ما قولنا والله أعلم
عشان كده رمضان بالنسباله بيكون تمثليات جديده فاضيه والصلاه بلنسباله والتقرب لربنا هو ده الواجب التقيل اللي بيعمله شويه وممكن ميكملش فيه
ونوم طول النهار ويصحي المغرب عادي وكأنه في يوم عادي

وده عمره مينفع

prince كتب:

السلام عليكم

اولا انا بحيكي علي الموضوع الهام ده وعايز اعلق علي نقطه

أحنا مش بنحس برمضان ليه

بأعتقد عشان قبل رمضان كان عدد قليل جدا مننا هو اللي بيحافظ علي الصلاه في موعيدها وبيحاول يتقرب من ربنا
والنوع ده هو اللي بيعطي رمضان قدره أكتر من غيره بيحس بلذة العباده في الشهر ده وبيكون كمان مستعدله كويس

انما المعظم بيكون عكس ما قولنا والله أعلم
عشان كده رمضان بالنسباله بيكون تمثليات جديده فاضيه والصلاه بلنسباله والتقرب لربنا هو ده الواجب التقيل اللي بيعمله شويه وممكن ميكملش فيه
ونوم طول النهار ويصحي المغرب عادي وكأنه في يوم عادي

وده عمره مينفع

[center]وعليكم السلام ورحمة الله وبركاته

ده شرف ليا انه يعجب حضرتك

فعلا ممكن يكون كلامك مظبوط وانه في وسط الانشغال بالدنيا والتلاهي نسينا حق ربنا علينا

وبقينا مانحسش بالحاجات دي

أعتقد عشان نرجع تاني نحس بالروحانيات دي لازم ننقي قلوبنا ونفوسنا


شكرا للمرورك اللي شرفني ولك مني كل التقدير