دعوة للنقاش ................فكر جديد

كل سنة وانتم طيبين يا احلى واجمد مطرقعين
بعد مناقشات ومداولات مع مشرفين المنتدى
طرحنا فكرة جديدة
اننا نعمل المنتدى مطرقعين علوم عامة
يعنى مفتوح لكل كليات علوم
وتكون دعوة بينا للتواصل والمعرفة
بعد شهر رمضان الكريم
هنبتدى باذن الله دورة تعليمية شاملة
يعنى هنشوف كل واحد فينا ايه التخصص اللى بيحبه ونفسه يجمع عنه معلومات وحاسس انه هيدى فيه
يعنى مثلا حد بيحب الكيمياء العضوية وعايز يعرف عنها اكتر ويقرأ ويتعلم وينزل مواضيع
غير الفوتوشوب والجرافيك وممكن ف المستقبل باذن الله نعمل شغل ع المنتدى بحيث يطلب منا تصاميم ف مقابل مادى
وهكذا وهكذا هتبقي مناقشات علمية بحتة وده هيساعد اكتر ف الدراسة بتاعتنا
كلنا عارفين منتدى علوم حلوان
سجلت فيه من يومين ولقيت ان الافكار من حيث توحيد طلبة علوم حلوان هناك وهنا
وع اساس ده هنغير اتجاه منتدانا
كمان وصلنى اليوم رسالة من احد المشرفين وهو عضو جديد معانا (الشقى) ع اساس اننا نتناقش ف موضوع تقسيم الادوار بين المنتدين وهنحدد يوم نكون فيه متواجدين كلنا كادارة وهم كمان وندخل فيه الخيمة وكل واحد يطرح افكاره ونناقشها
ياريت كمان نجهزها ونناقشها هنا قبل يوم التجمع
وكلكم عارفين انى باذن الله تعالى اول ما اشتغل ربنا يفتح عليا
هعمل منتدى غير مجانى اول منتدى غير مجانى لكليتنا بحيث اننا مش نعانى من موضوع التهنيج والسيرفر غير الصور اللى احيانا بتظهر غير مشاكل حذف الموضوعات اللى واجهناها مرة وامكانيات اكتر
دعوة ليكم بجد وبلاش الفيس بوك يسرقكم اثناء الدراسة
غالبا احنا مش بنذاكر الا قبل الامتحانات بشهر
ياريت تدعمونى وتشجعونى عايزين نبقي احسن ومش عايزين الغرب يضحكوا علينا يمكن ف يوم يطلع من عندنا عالم او نبغة بس ادوا لنفسكم الفرصة
انا هتواجد يوم الثلاثاء باذن الله لظروف خاصة وهبقي ع الميل من الموبايل لو ف اى اقتراح

حصل خير يا كبير نسامحهم المرة دى وبعدين هو مش يعرف الموضوع وفعلا مرة حصل قبل كده وحد دخل نشر منتدى لهندسة وانا مسحت الموضوع وطلبت منه انه لو عايز يعمل اعلان يبلغنى مش يعمله من ورايا بس انا مش كان غرضى اشهار للمنتدى بتاعنا لانه معروف بس مكسلين يدخلوا

ودول اخواتنا بردو الصغيرين والهدف ف الاول والاخر اننا نبقي علماء
رمضان كريم عليكم وبلغونى امتى ميعاد التجمع وياريت تعمل انت موضوع ف المنتدى هناك يا شقى عشان مايحصلش مشاكل وبلغ مدير المنتدى والمشرفين تحياتى

بسم الله الرحمن الرحيم
إنّ الحمدَ لله ، نحمده و نستهديه ، و نستعين به فى كلِّ حاجةٍ نريد أن نقضيَها ، فهو الموفق و هو العليم ؛ ثم أما بعد ..
ونعم بالله العلى العظيم .... حللت اهلا ووطئت سهلا


بدايةً قد قرأنا فيما قرأنا أنّ العضو مقدّم الفكرة مشرفٌ فى منتدى علوم حلوان ، و نريد أن نوضح أنّ هذا ليس صحيحًا. هو مشرفٌ سابق ، أما الآن فهو مجرد عضو و لا يعبر رأيه بأى حالٍ من الأحوال عن رأى فريق إدارة منتدى علوم حلوان.
احنا هنا مش بنتعامل بالمناصب احنا بنتعامل كلنا كيد واحدة داخل كلية علوم ..... كلنا زى بعض مشرفين ومديرين
وبالنسبة للفكرة تم عرضها فيما سبق حينما قمتم بانشاء منتداكم من قبل مدير المنتدى وقد قام مقدم الفكرة بطرحها محل نقاش من جديد ولكنك رفضت مناقشتها من قبل ان نطرحها ونطرح الاقتراحات وليس فريق الادارة فقط الذين يستطيعون تحديد اذا كانت الفكرة جيدة ام لا لكن كان يجب فتح النقاش بين الاعضاء والمشرفين للوصول الى الحل الامثل كما كان المصطفى صلى الله عليه وسلم يستشير صحبته والمسلمين لأن كل شخص منا لديه افكار خاصة به ويمكن ان يفيد بها من حوله وهنا كنت اناقش كل كبيرة وصغيرة ف ساحة نقاش مفتوحة حتى تصميم المنتدى فأرجو ان تعيد التفكير بأننا كلنا طلبة نسعى الى المعرفة والتعلم وذلك عن طريق المشاركة والمناقشة .

قد قرأنا نحن فريق إدارة منتدى علوم حلوان ما تناقشتم حوله من اقتراحاتٍ تهدف إلى الارتقاء بمستوى خدمة طلبة كلية العلوم بجامعة حلوان ، بل و طلبة جميع كليات العلوم بمختلف أقطار الوطن. سعدنا بهذا التفكير كثيرًا و استثار عقولنا فى كثيرٍ من المواضع ، لكنـّه تغافل عن أو نسى عددًا من النقاط التى تلح علينا شديدَ الإلحاح كى نفكـّر فيها. و نحن نرى فيها ما يجعلنا نـُعرض عن فكرة تعميم منتدىً لجميع كليات العلوم بأرض الوطن الحبيب ..

هى الفكرة ببساطة شديدة اننا مش هنمسك العلم كمحاضرات وسكاشن لا احنا هنمسكه كأصل من اوله لحد ما توصل العلماء دلوقتى وده حسب اهتمامات الافراد وحبهم لمجال ما يعنى الكيمياء مثلا حد بيحب الكيمياء العضوية وشده مجالها جدا هو بيدرس ف الكلية كل حاجة عموما بس عايز يبنى اسس ويكمل ع اساسها ف مجال معين بحيث ان ف النهاية يطلع من المنتدى خمس افراد فاهمين الكيمياء العضوية وخمسة مثلا ف مجال اخر بدل عشوائية دراستنا غير ان ف مجالات مشتركة كالتنمية البشرية واللغات والمعلومات العامة .
اتمنى اكون قدرت اوصلها .

1. إذا كان هناك الفشل الجزئى فى إنجاح حملة إعلانات واحدة عن منتدى الكلية (منتدانا أو منتداكم) ، فما بالكم إذا كانت هذه الحملة من شأنها أن تنجح فى كل جامعات الجمهورية ، أو حتى فى عددٍ منها؟
يقول أحدكم (هو يعرف ناس من جامعات مختلفة) فماذا صنع هذا الفرد بمن عرفهم فى كلية العلوم بجامعة حلوان؟ و ماذا فعل من عرفهم فى كلية العلوم بجامعة حلوان؟

مين قال ان الحملة فشلت ع فكرة عمرها ما كانت بالعدد بالمشاركة شوف عدد مساهمات منتداكم وكم المعرفة اللى اتعلمناه حتى لو اللى بيشاركوا اثنين او تلاتة وهنا ف فعلا اتنين معانا فلاي بيرد من علوم المنصورة والمليونير الفقير خريج علوم دمياط وشدهم جو المنتدى رغم وجود منتديات لكلياتهم بس اللى حصل فعلا ان بعض العلماء استسلموا لمجرد خلافات وبعد ما حققوا نجاح ف هذا المنتدى اتنازلوا عنه وانا لما قلبت بالصدفة ولقيت منتداكم كان اول اقتراح اقترحته ع المطرقعين اننا نوحد المنتديين او نغير نشاط منتدانا ويكون ف حلقة وصل بين المنتديين عشان مش يكون ف منتديين منافسين والغرض ف كل واحد فيهم انه يوحد طلبة كلية علوم حلوان ونفيد ونستفيد .

2. حين يتم تعميم هذا المنتدى ، فما هو مستقبل الفريق الإدارى به؟ و من سيضع السياسة العامة له؟ و لمَ؟ .. كل هذه أسئلة تفرض نفسها على مداركنا بكل إلحاح .. و ليس لأحدٍ منكم أن يقول نحن من سيضع السياسة العامة و نحن من سيكون المسئول الأول .. لأنـّه إذا ساد هذا الفكر فلن نكون باحثين عن الارتقاء و التقدم ، بل سنكون باحثين عن السيطرة و النفوذ ، لأنـّه جائزٌ جدًا أن يكون هناك بإحدى هذه الجامعات أو بعددٍ منها من يفوق تفكيره تفكيرنا و تفكيركم ، ما سمعناه عمّا سيحدث فى هذا الشأن أنـّه سيتم ترشيح عددًا من الأعضاء ليعتلى أحدهم عرش الرجل الأول بالمنتدى بعد إجراء انتخابات .. نريد إعقالكم ، هل شعبية المدير هى التى تحكم بإدارته؟ أم تميّز عقليته و رجاحة عقله و سلامة نيته هى التى تحكم؟
نحن نريد مديرًا يدرك ما يفعله و يتجه بالمنتدى إلى المكانة الأرقى فالأرقى و إلى مستوى الخدمة الأفضل فالأفضل ، لسنا نريد واحدًا نصفق و نهلل له قائلين (إنت الكبير) .. و نعلم و تعلمون أنّ الأكثر شهرة ليس شرطـًا أن يكون هو الأفضل أو الأنسب لمثل هذا المنصب العلىّ .. ، إذًا فكيف سيكون التفاوض على الإدارة؟ .. و إذا كانت هذه مشكلتنا فى كلية العلوم بجامعة حلوان ، فما بالكم حين تكون الجامعة عددًا من الجامعات؟
و ليس لأحدٍ أن يقول صاحب الفكرة هو الأولى بالإدارة ، فليس هذا منطقـًا على الإطلاق .. ففى الكثير من الأحيان يقترح المتفرج على اللاعب أن يلعب الكرة هكذا ، و يكون المتفرج من الأصل ليس متمكنا من لعب الكرة !

عمرها ما كانت بالشهرة ف الكلية بالشخص القادر ع ادارة المنتدى وتحمل مسئوليته والقدرة ع حل المشاكل والحزم ف مواجهة بعض الامور .
هنا كنا بنتعامل ع ان فرد مدير للمنتدى وكان ف بداية انشاؤه اقتراح ان كل عام سيتم اختيار مدير جديد وهنا كانت فكرة ان اكون ف نفس الوقت المطرقع الكبير وكريزي بنوتة بس كان لما ينتهى العام اجى اقول وقت الترشيح ما كنتش بلاقى استجابة بسبب ان عقبال ما الواحد هيفهم لوحة الادارة ويتعامل معاها يكون فترة الاجازة اللى كان المنتدى شغال فيها خلصت فكنت موزعة مهام الادارة ع مجموعة منا وده باذن الله هيطبق ف اى منتدى ان الادارة تكون مهام مثلا المشرف ع التصميم والشخصية الحازمة والشخصية الدبلوماسية و هكذا بحيث ان لما يكون ف مشكلة بنواجهها المسئولية مش تكون ع عاتق شخص واحد لان كل واحد ليه ظروفه الخاصة لا يبقى ف مجموعة كاملة من اربع او خمس افراد يتحملوا المسئولية كلهم ولو حصل لواحد فيهم ظروف الباقى يكون متواجد عشان مش يحصل خلل .

3. التغطية و المتابعة الدراسية بمنتديات علوم حلوان ليست بالمستوى اللائق على الإطلاق .. فلا زلنا عاجزين عن توفير مندوبٍ واحدٍ على الأقل بكل قسم و متابعة ما يتناوله هذا القسم من محاضرات و سكاشن و معامل ، فما بالكم حين يكون علينا توفير مندوب لكل قسم بكلِّ جامعةٍ مصرية ؟! .. أين المنطقية فى مثل هذا الحديث ؟ .. فالصاعد إلى الدور العاشر عليه أن يكون نجح فى الصعود إلى الدور الثانى و الثالث فالرابع ، نحن لم نتجاوز من النجاحات ما قد يلد الأمل فى أن ننفذ مثل هذه الفكرة !

فكرة المحاضرات والسكاشن فكرة مش ليها اهمية اوى والسبب ان كل دفعة هم مع بعضهم وعارفين المحاضرات وازاى كل واحد يجيبها من زميله غير ان طريقه توصيل المعلومة واستقبالها من الطلبة بتختلف من طالب للتانى فلو مندوب الدفعة عرض مثلا محاضراته ممكن هو فاهمها باسلوبه وزمايله القريبين منه ممكن طريقته ف عرضها مش توصل للجميع اولا هيبقي مجهود عليه ثانيا هيبقي ف ناس اتعودت ان المحاضرات متواجدة هنا وبالتالى هيبقى ف انتظار فرضنا ان الطالب ده حصله ظروف ومش نزل المحاضرات هتقف الدنيا غير كده لو معلومة مثلا غلط وناس اعتمدت عليها هيبقي ذنب الطالب وذنب المنتدى فكده لازم يكون ف تدقيق من المنتدى ف المعلومات وطبعا كل واحد فاهم مجالات قسمه بالعافية لكن لو مثلا ف جزء وطالب بيذاكر ومش فهمه او ف معلومة بلغها دكتور فيكون ف ساحة للنقاش ف فكرة معينة من المنهج توصلنا لمعلومات اخرى وسبق انى قلت ان المنتدى هيهتم بالعلوم عامة مش بدراستنا لانها بتتسم بالعشوائية يعنى الدفعة ف اى جامعة عارفة هى بتاخد ايه وعارفة المنهج مش محتاجة مندوب ف كل جامعة .
يعنى فكرة الجامعة تعميم المعرفة هنا هنخصصها حسب الاهتمامات .

4. المسئولية الإدارية و الرقابية على منتدى علوم حلوان كيف هى؟ و كيف المشرفون؟ .. علينا قبل التفكير فى السيطرة على فريق إدارة منتدى لكل الجامعات – التمكن من السيطرة على فريق إدارة منتدى لجامعةٍ واحدة ! .. هذا هو الفكر الرشيد. و الماضى و المضارع يتحدثان عن هذه المعاناة.

لسنا مُهوِّلين و لا (عاملين من الحبة قبة) لكنّ ما ذكرناه هذا هو أ ب التفكير .. فالفكرة عليها كى تكتمل أن تتحوّل إلى دراسةٍ مكتملةٍ بنظرةٍ واعية. لسنا لندع حلمَ جائع ينسيه الفقر. نعلمُ أنّ الحُلمَ هو سر البقاء ، و لكنّ البقاء هو أبو الواقعية. فالحُلم بلا واقعية لن يتحقق !

احنا قلنا هنحصص للادارة فريق وكل واحد عارف مسئوليته ومهمته وياما واجهنا مشكلات من اعضاء ومواقف واتصرفنا فيها الواحد بيتعلم المهم انه يكون حابب اللى بيعمله وعارف هدفه .

و الذى نراه أجدى و أقرب إلى النجاح هو أن نشيّدَ سويًّا بالتعاون معًا منتدى لكلية العلوم بجامعة حلوان غير مجانىّ ، نعمل فيه كتفـًا إلى كتف بروح الأسرة الواحدة بنيّة أنـّنا لا نريد من وراء هذا العمل سوى توفير كامل عوامل النجاح و التميز للطلبة مبتغين ثوابَ الله عز و جل و رضاه ، و نهوض الوطن الحبيب الذى لا زال يعانى جراح التخلف و الاضمحلال بجميع أشكالها. و نريد أن نتعاهدَ على العمل بكل إخلاصٍ و حب و لا نريد فى هذا الصرحِ من المشاركين سوى الحرص على الإفادة و الاستفادة و تحقيق المصلحة العامة و جعلها هى الغاية الكبرى من كل عملٍ يقوم به أىٌّ منـّا. و نشير إلى أنّ مثل هذا العمل من مصلحتنا أن ننفذه قريبًا إذا تمت الموافقة.

مش معنى النجاح والتميز ان الواحد يجيب امتياز او تقدير جامد لا ان الواحد يتعلم ازاى يستفيد من كل معلومة هو عرفها ياما ناس تفوقت بتقديرات بس ف الاخر ما كانوش عارفين يفكروا بره الكتاب والمنهج .
واقتراح منتدى علوم حلوان غير مجانى او منتدى علوم ماهى واحدة وفكرته واحدة تم الموافقة عليه لانه كان حلم من زمان وكافة الاعضاء ع علم به لكننا لن نقوم بتنفيذه الا بمناقشة كيف سنديره وكيف سنوزع الادوار وتقسيمه وتسميته واختيار شعاره قبل البدء ف الاجراءات والله الموفق.

و نأسف على الإطالة

بالعكس حضرتك فتحت مجالات للنقاش وتوضيح بعض الافكار ومرة تانية نورت منتدانا يا باش مهندس