[/center]أولا :أنا مبسوطه لأن فيه مشاركه جديده بعد ما كان المنتدي نايم (يعني دي بدايه)
وأتمني انها تستمر ان شاء الله
ثانيا :أنا بحييك ان البدايه اختيارك لمواضيع مهمه أوي في حياتنا بل العكس هي الأساس
ثالثا :موضوع الصلاه ده موضوع مهم أوي (الصلاة عماد الدين )
يعني هي الأساس في أي حاجه بمعني صلاتنا هي اللي بتنهينا عن الفواحش والمنكر
وهي اللي بتقربنا من ربنا وتأمرنا بالمعروف
حلو أوي الدعوه اللي طرحتها باننا نؤمر أنفسنا قبل ما نؤمر الناس بالصلاه وده بالحكمه والموعظه الحسنه زي ما حضرتك أشرت ومافيش جدال علي كده
فيه حاجه مهمه بس هضيفها وهي احنا بنصلي ليه؟
ياتري عشان ربنا أمرنا بكده ولا عشان ننال الثواب والأجر ولا عشان خايفين من النار والعذاب
احنا المفروض بنصلي حبا في الله ومش عايز حاجه غير رضاك عني يارب وده مش ف الصلاه بس
تخيل كده لو كل حاجه في حياتنا بنعملها بس عشان بتحب ربنا وعايزه يرضي عنك ساعتها هيكون حالك ايه؟؟؟؟
تاني حاجه بقه صحيح لما بندخل نصلي بنركع ونسجد ونقرأ ماتيسر من القرآن وبنعمل كل حاجه الا حاجه واحده ان قلبنا مابيكونش مع ربنا بيكون في حته تانيه الا من رحم ربي
يعني عشان تتم الصلاه لابد من الخشوع ياتري جربنا نخشع في الصلاه ونحس بيها ونبكي ودموعنا تنزل من خشية الله؟؟؟؟؟
قال الله تعال:(قد أفلح المؤمنون الذين هم في صلاتهم خاشعون)
اعلم ان الخشوع منهم من جعله من أفعال القلوب كالخوف والرهبة ومنهم من جعله من أفعال الجوارح كالسكون وترك الالتفات والعبث
وروي أن عليا كرم الله وجهه كان اذا حضرت الصلاه يتزلزل ويتلون وجهه فيقال له مالك يا أمير المؤمنين فيقول جاء وقت أمانة عرضها الله علي السموات والأرض والجبال فأبين أن يحملنها وأشفقن منها وحملتها
فيه أمر خاطئ شائع وهو ان فيه ناس لما بتيجي تصلي بترفع بصرها الي السماء والمفروض يكون النظر محل السجود
روي عن الحسن أن النبي صلي الله عليه وسلم قال:(مثل الصلوات الخمس كمثل نهر جار علي باب أحدكم كثير الماء يغتسل فيه كل يوم خمس مرات فهل يبقي ببدنه من الدرن شيئا) يعني أن الصلوات تطهر من الذنوب ولا تبقي منها شيئا فيما دون الكبائر وهذا اذا صلي بخشوع وحضور قلب والا فهي مردوده عليه
ويروي عن حاتم الأصم أنه سئل عن صلاته فقال اذا حانت الصلاة أسبغت الوضوء وأتيت الموضع الذي أريد الصلاة فيه فأقعد فيه حتي تجتمع جوارحي ثم أقوم الي الصلاة وأجعل الكعبه بين حاجبي والصراط تحت قدمي والجنة عن يميني والنار عن شمالي وملك الموت ورائي وأظنها آخر صلاتي أقوم بينالرجاء والخوف وأكبر تكبيرا بتحقيق واقرأ قراءة بترتيل وأركع ركوعها بتواضع وأسجد سجودا بتخشع وأقعد علي الورك الأيسر وأفرش ظهر قدمها وأنصب القدم اليمني علي الابهام وأتبعها الاخلاص ثم لاأدرك أقبلت مني أم لا
قال صلي الله عليه وسلم (يأتي في آخر الزمان ناس من أمتي يأتون المساجد فيقعدون فيها حلقا ذكرهم الدنيا وحب الدنيا لا تجالسوهم فليس لله بهم حاجه)
وعن الحسن أن النبي صلي الله عليه وسلم قال:(ألا أخبركم بأسوأ الناس سرقة قالوا من هو يا رسول الله قال الذي يسرق من صلاته قالوا كيف يسرق من صلاته قال لايتم ركوعها ولا سجودها)
آآسفه للاطاله واني تطفلت علي موضوعك لم أقصد سوي الافاده ونبتغي بذلك وجه الله
موضوع: أذاي نحول الكلام لأفعال 
السبت سبتمبر 18, 2010 10:40 am
